طرائف طلاب أولى ابتدائي لاتفوتكم

[الدكتور مشاكس]

طرائف طلاب أولى ابتدائي لاتفوتكم

طفل قعد يبكي في اليوم الثاني من الدراسه وسأله المدرس ليه تبكي ؟....قال
مالقيت فصلي ..
قال له المدرس انت في اي صف ياشاطر ؟ ...قال الطفل انا في صف ثاني
اخذه المدرس لفصل ثاني ودور اسمه ومالقاه فقال له اسمك ماهو في ثاني انت امس
وين كنت ؟
قال الطفل انا امس كنت في " اولى " بس اليوم اصير في ثاني ..!!!
" هذا على كيفه يحسب الدنيا فوضى "
=============
الثاني مسكين احتاج الحمام وراح له وبالصدفه مر احد المدرسين جنب الحمام
وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب
المسكين الطفل بعد ماخرج من الحمام قالو له ليه كذا ؟ ....قال انا كذا اروح
للحمام في بيتنا
=============
طفل داوم معاه ابوه اول يومين وفي اليوم الثالث قال له انا ابروح للعمل واذا
احتجت اي شي رح يم هالرجال واللي هو مدير المدرسه....
والمدير يلبس نظاره وله لحيه واللي تسمى سكسوكه وبعد ماراح الوالد بفتره قعد
الطفل يبكي وراحو به للمدير والمدير اتصل على الوالد واعطى التلفون للطفل يكلم
ابوه فسـأله ابوه انت من وين تكلم ؟....
قال الطفل انا اكلمك من عند الملك عبدالله..
=============
طفل آخر من المستجدين ذهب في وسط الدراسه لفصل اخوه وقال للاستاذ ممكن
اخوي....ضحك المدرس وقال ضروري ؟ قال الطفل ايه ضروري مره....
المدرس توقع انه محتاجه يوديه لدورة المياه فقال لاخوه اطلع معاه....ولما طلع
قال الطفل لاخوه تعال نبغاك تلعب معنا.
=============
وهذه ام تقول
بنتي في الحضانة.. أول يوم راحت.. انبسطت و كل شي تمام.,,لما رجعت قالت لي..يا
ماما انت فشلتيني!!حاطتلي فطور يكفيني انا بلحالي ترا حنا بالفصل واجدين ..
و الساندويتش ما كفانا كلنا و لا بقى لي شي!!!(أثرها توزع على الدنيا.. تحسب
الفطور قطة!!!!)
و نفس اليوم قبل ما تنام قالت لي: ياماما اذا جيتي تقوميني الصباح و لا طعت أقوم لا تقوميني..معناه ان بطني بيعورني وماني رايحة المدرسة!!!!!!



****·~-.¸¸,.-~****·~-.¸¸,.-~********·~-.¸¸,.-~****·~-.¸¸,.-~********·~-.¸¸,.-~****·~-.¸¸,.-~****

منقول

[نوار]

براءة + دلاخة

:)




الله يحفظهم ويحفظك ..

[ماهر الخرمي]

ههههههههههههههههههههههه
الله يستر ما نكون منهم



مع تحياتي وتقديري


ماهر الخرمي

[زخماوي]

والله هذه ولا شي عشت معهم ثلاث سنوات وشفت بلاوي :)

الثاني مسكين احتاج الحمام وراح له وبالصدفه مر احد المدرسين جنب الحمام
وتفاجأ ان فيه ملابس كامله مكومه خارج الحمام من ثوب وفنيله وسروال وجزمه وشراب
المسكين الطفل بعد ماخرج من الحمام قالو له ليه كذا ؟ ....قال انا كذا اروح
للحمام في بيتنا
والحالة هذه قد مرت علي :)

[فنتازيا]

ههههههههه يعطيك العافية

رهيبين صف أول وكمان ماعندهم خوف كثير من المعلمات اللي مايدرسونهم صيح هدد ولاكأنك تسوي شي..

بس براءه وتصرفاتهم تضحك وحده طلعت بداية العام الدور الثاني تدور لأختها عشان تعطيها اللي بقي من المصروف لأن فسحتهم غير فسحة المتوسط والثانوي وماعرفت مكان أختها قامت تصيح وتبكي

وترمي نفسها في الأرض وتدحرج المهم سوت أكشن قام الكل يدور على أختها عشان تسكت :d

دمتم بود

[صاحبة القرار]

أطفال على الفطره الله يحفظهم وبارك الله فيك

[تــــوليـــب]

المفروض معلمات اول ابتدائي يعطونهم بدل فقعة قلب
دخلت مره على مدرسة اول ابتدائي ابغاها بموضوع سريع
شويه الا بنت تبكي
اقرب منها
اشبك ياماما
قالت علبة الالوان عيت تتسكر


يعجبني:d

[روح رياضية]

افضل الحصص حصصهم
فعلا متعه اذا انت رايق

موقف حصل معي
كنت عند الصف الاول وانتهت الحصه (تربيه بدنيه)
انبسطوا ولما جيت اصرفهم
يمكن نص الفصل يبكي مايبغى يطلع
قام واحد من الطلاب قال انته متبغانا اتركنا واحنا نلعب
واعطيهم حصة ثانيه ما فكني منهم الا الفسحه