طريقه اعجبتنى لتقديم السلطه مع الصوره ......

[سحابة عابرة]

طريقه اعجبتنى لتقديم السلطه مادرى تعرفونها ولا لا مع الصوره طبعا ..................
البارح احترت شسوى عشا وقعدت افكر ابى اقدم السلطه بمنظر حلو فجاه طرت على فكره كنت شايفتها فى برنامج طبخ بس انا غيرت فيها شوى
المهم خذيت خبز لبنانى الكبير شريحه وحده وسخنتها بالماكروويف عشان تكون لينه وجبت قالب كيك مدور وفيه حركه بحط لكم صورته ان شا الله وافرد الخبزه فيه بحيث انها تاخذ شكل القالب وادخلها الفرن لين صارت يابسه ومتحمره ماطولت بالفرن واطلعها من القالب واخليها تبرد واحط فيها سلطه ومقاديرها فاصوليا بيضا وفاصوليا حمرا وذره وزيتون وشوى ملح وفلفل وصبيتها بالقالب المجسم اللى سويته من الخبز
واخلط 3 ملاعق روب مع 3 ملاعق مايونيز واغطى بها وجه السلطه وارش عليها شويه سماق.
وجبت صحن وحطيت فيه السلطه ونثرت حوله سلطه مقطعه وهى عباره عن خيار وجزر وخس للتزيين وبالوسط القالب طلع شكلها يشهى وسويت بجنب السلطه لازانيا واتمنى الفكره تعجبكم ؟..............:jaz024:

[تــــوليـــب]

شكلها رووووووعه

بس ياليت فيه صوره :)

[لامع]

شكلها رووووووعه
بس ياليت فيه صوره :)

الله لا يهينك طالما عرفتي الطريقة ورينا شطارتك

جهزي السلطة وصوري :rolleyes:

[زخماوي]

حطي الصورة :)

[الملتقى الجنة]

فكرة رائعة وتفتح النفس

والنتائج مضمونة jaz001

شكراً لك أختي الغالية ..
وننتظر عودتك معنا قريباً

[صحــوة قلم]

فكرره رائعه ..

سلمتِ على الطريقة الحلوه ..

:

دمتِ بود

[ست الكل]

سلمتِ على الطريقة غاليتي
الله يعطيك العافية

[الجوري الأحمر]

طريقه روعه شكلها تجنن لازم نجربها الليله