محمد بن حمد
06-02-2002, 03:11 PM
السلام عليكم يا مبدعينا وحياكم الله نبدا باول موضوع في المنتدى واتمنى ان الفكره هذي تعجبكم
الفكره هذ تمس الشباب بالدرجه الاولى اقولكم السالفه من اولها هذاك اليوم كنت قاعد اتفرج على برنامج وثائقي (كثر منها انت وجه براامج وثاائقيه) عن الاستنساخ ويقول انه يكفي اخذ خليه واحده وزرعها بطريقه معينه في الرحم وتنتج نسخه طبق الاصل من صاحب الخليه
المهم بينما المذيع قاعد يتكلم الا وطقني هاجووس الحين لو صار الكلام هذا صحيح معناها اننا يالرجال معاد لنا داعي معناها اننا نبي ننقرض
تخيلوا كذا بعد كم عقد من الزمان العالم كله حريم ومافيه رجال ابد
عاد هذا كم مشهد طلع في دمجتي الحين :
المشهد الاول:
مافيه الا رجالين واحد في المتحف والثاني في حديقة الحيوان عاد تخيلوا في المتحف حاطين رجال محنط وكاتبين تحته الانسان الذكر حكم الارض من بعد الديناصورات لمدة عشرة الاف عام.
المهد الثاني
في حديقة الحيوان رجال محطوط في القفص وحاطين له شجره وتلفزيون فيه مباريات تعرفون كل حيوان وله حق انه يحطون له شي يوسع صدره زي الفقمه يحطون لها كوره، وهو قاعد يطامر ويقول حلووه احسن اكسره تعجبني ارفع يالووح هذاك فاتح ناول له. بنات يمرون من عنده ويرمون عليه فشار وهو مهوب معطيهم وجه متحمس مع كاس العالم 86 بس حارسة القفص اذا بغت تخليه يلتفت تحط له صورة كااثرين زيتا جوونز ويسحب على المباراة ويعطي الزوار عفوا الزائرات (معليش مابعد تاقلمت على الوضع) وجه وحده تقول لخويتها يالله على الذكور حتى وهم في القفص مزعجيين عاد ترد عليها حارسة القفص وتقول انتي عارفه انه شايف ذا المباراه طعش مره وكل مره يصارخ عليها تعرفين طبع الذكور الصراخ والزعيق ويباسة الراس والعناد وحده فاقه عيونها وتسمع الحقائق هذي للمره الاولى عن ذكر الانسان.
المشهد الثالث:
وحده كاش جايبه لبنتها هديه عباره عن قفص فيه ذكر انسان وتقعد البنت تنغزه بعصى وتقوول يالله مرره كيووت
يالله عاد وروونا وش عندكم انا هنا تنحت واذا جد جديد مسطت به هنا وكل واحد الله لا يهينكم يا ريت يكتب بعض تخيلاته تحت وانا انتظركم
اخوكم محمد بن حمد
jaz004 jaz004 بااااااااااااااااااااااااااااااااااااي jaz004 jaz004
الفكره هذ تمس الشباب بالدرجه الاولى اقولكم السالفه من اولها هذاك اليوم كنت قاعد اتفرج على برنامج وثائقي (كثر منها انت وجه براامج وثاائقيه) عن الاستنساخ ويقول انه يكفي اخذ خليه واحده وزرعها بطريقه معينه في الرحم وتنتج نسخه طبق الاصل من صاحب الخليه
المهم بينما المذيع قاعد يتكلم الا وطقني هاجووس الحين لو صار الكلام هذا صحيح معناها اننا يالرجال معاد لنا داعي معناها اننا نبي ننقرض
تخيلوا كذا بعد كم عقد من الزمان العالم كله حريم ومافيه رجال ابد
عاد هذا كم مشهد طلع في دمجتي الحين :
المشهد الاول:
مافيه الا رجالين واحد في المتحف والثاني في حديقة الحيوان عاد تخيلوا في المتحف حاطين رجال محنط وكاتبين تحته الانسان الذكر حكم الارض من بعد الديناصورات لمدة عشرة الاف عام.
المهد الثاني
في حديقة الحيوان رجال محطوط في القفص وحاطين له شجره وتلفزيون فيه مباريات تعرفون كل حيوان وله حق انه يحطون له شي يوسع صدره زي الفقمه يحطون لها كوره، وهو قاعد يطامر ويقول حلووه احسن اكسره تعجبني ارفع يالووح هذاك فاتح ناول له. بنات يمرون من عنده ويرمون عليه فشار وهو مهوب معطيهم وجه متحمس مع كاس العالم 86 بس حارسة القفص اذا بغت تخليه يلتفت تحط له صورة كااثرين زيتا جوونز ويسحب على المباراة ويعطي الزوار عفوا الزائرات (معليش مابعد تاقلمت على الوضع) وجه وحده تقول لخويتها يالله على الذكور حتى وهم في القفص مزعجيين عاد ترد عليها حارسة القفص وتقول انتي عارفه انه شايف ذا المباراه طعش مره وكل مره يصارخ عليها تعرفين طبع الذكور الصراخ والزعيق ويباسة الراس والعناد وحده فاقه عيونها وتسمع الحقائق هذي للمره الاولى عن ذكر الانسان.
المشهد الثالث:
وحده كاش جايبه لبنتها هديه عباره عن قفص فيه ذكر انسان وتقعد البنت تنغزه بعصى وتقوول يالله مرره كيووت
يالله عاد وروونا وش عندكم انا هنا تنحت واذا جد جديد مسطت به هنا وكل واحد الله لا يهينكم يا ريت يكتب بعض تخيلاته تحت وانا انتظركم
اخوكم محمد بن حمد
jaz004 jaz004 بااااااااااااااااااااااااااااااااااااي jaz004 jaz004